تاريخ الموقع من البداية حتى النهاية!!

تاريخ الموقع من البداية حتى النهاية!!

ناس كتير بتبنى مواقع وبتختار اسم الموقع وبتروح تشترى الدومين وبتتفاجئ بعد كدا ان الموقع دة متعاقب او فية مشكلة مهما كانت 

وناس تانية بتشترى دومينات منتهية وعاوزة تعرف الدومينات دى كانت شغالة ازاى

النهاردة هنتكلم مع بعض عن طريقة بتعرف بيها تاريخ موقع على مدار مثلا 20++ سنة فيما فوق
هتعرف الموثع من 20 سنة او من 10 سنين كان موقع اية وشكلة عامل ازاى
هتروح تشترى موقع هتقدر تفحصة وتشوف تاريخة

تخيلو انا كنت مرة بشترى دومين قديم وكان حلو جدا وجيت اشوف تاريخة لقيتة كان شغال من 9 سنين موقع اباحى وبعد كدا اتقفل واتغير لموقع سياحة وبعد كدا بقى موقع سيارات وبعد كدا بقى موقع أخبار واخيرا وقع فى ايدى

انا كان نفسى اروح لصاحب الدومين دة اقولة ارحمة شغلتة كل حاجة ممكن يشتغلها

يلا بينا نتبع الخطوات

نفترض مثلا انت قررت تفتح موقع واختارت اسم الدومين وليكن
Kora.com

عاوز اعرف تاريخ الموقع دة

هنروح على ارشيف الأنترنت ودة من خلال منصة WayBack Machine ومن الربط دة
https://web.archive.org

هنلاقيها بالشكل الموجود فى الصورة رقم 1

هنضيف اسم الموقع الى احنا اخترناه فى البار ونعمل بحث

هنلاقى الموقع دة اتعمل على الأنترنت من سنة 1996
زى ما موجود فى صورة رقم 2

خدو بالكم الموقع حاليا موقع كورة  زى صورة رقم 3

طب تعالو نشوف بقى الموقع دة كان بدايتة فى 1996 كان موقع اية

شايفين فى صورة رقم 4 كان موقع اية . كان موقع شخصى لشاب مراهق ورافع صورة غريبة

طيب تيجى نشوفة فى سنة 2006 كان موقع اية !
هنلاقية كان موقع لمصور وبيرفع علية صورة زى ما موجود فة صورة رقم 5

ولما جينا نشوفة فى 2020 لقيناه موقع الكورة بشكلة الحالى زى ما موجود فى صورة رقم 6

وممكن تشوف تاريخ الموقع سنة سنة وتشوف كان اية وبقى اية والموضوع دة بينطبق على اى موقع المهم انة يكون حد استعملة من قبل